لاہور(خصوصی رپورٹر)پاکستان تحر یک انصاف کے وائس چیئر مین شاہ محمودقر یشی نے کہا کہ تحر یک انصاف حق اور سچ کی جنگ لڑ رہی ہے اصولوں پر کوئی سمجھوتہ نہیں کیا جائیگا ʼکر پشن کے خاتمے سے ہی ملک میں ترقی اور خوشحالی ممکن ہو سکتی ہےʼپاکستان کا مخالفین نے دنیا میں امیج بہت متاثرکر دیا ہے اور ہمیں دنیا میں انتہا پسند ملک کے طور پر پیش کیا جا رہا ہے مگر حقیقت کا اس سے کوئی تعلق نہیں ʼاسلام محبت امن اور بھائی چارہ کا درس دیتا ہے ʼاقلیتوں کی وفاداری پر شک نہیں کیا جاسکتا گر جا گھروں ʼمندروں اور دیگر مقدس عبادت گاہوں کا بھی خیال رکھنا ہوگا ʼمجھے عام انتخابات میں سندھ سے قومی اسمبلی کی نشست پر45فیصد سے زائد ووٹ اقلیتوں کی جانب سے ملے ہیں ʼتحر یک انصاف میں کئی اہم عہدے اقلیتوں کے پاس ہے ۔ وہ لاہور میں تحر یک انصاف مینارٹی ونگ کے زیر اہتمام کر سمس کے حوالے سے کیک کاٹنے کی تقریب سے خطاب کر رہے تھے جبکہ اس موقع پراپوزیشن لیڈر میاں محمودالرشید ʼسابق صدر اعجاز احمد چوہدری ʼ رکن قومی اسمبلی شفقت محمود ʼایم پی اے شانیلا روتھʼپاسٹر انور فضل ʼبشپ سموئیل ʼپادری مجیدʼرانا اختر حسین اور عدنان جمیل سمیت دیگر بھی موجود تھے ۔ شاہ محمود قر یشی نے مزید کہا کہ تحر یک انصا ف عمران خان کی قیادت میں پاکستان میں قائد اور اقبال کا پاکستان بنانے کی جنگ لڑ رہی ہے اور ہم پاکستان میں اقلیتوں کو بھی قائداعظم کے افکار کے مطابق ان کا حق دینا چاہتے ہیں ۔ انہوں نے کہا کہ تحر یک انصاف نے ملک میں کر پشن ʼظلم اور ناانصافی کے خلاف جوجد وجہد شروع کر رکھی ہے وہ ضرور کا میاب ہوگی اور ملک میں کر پشن اور لوٹ مار کر نیوالے ضرور اپنے انجام سے دوچار ہوں گے ۔ انہوں نے کہا کہ اگر ہم بھارت میں مسجد کی حفاظت کی توقع کرتے ہیں تو پھر ہمیں پاکستان میں مندر کی حفاظت کو بھی یقینی بنانا ہوگا اور اس بات میں کوئی شک نہیں کہ پاکستان میں ہند وسمیت دیگر اقلیتوں کے خلاف بنائے جانیوالے امتیازی قوانین کو ختم ہونا چاہیے اور تحر یک انصاف اقتدار میں آکر ہر سطح پر اقلیتوں کو انکے حقوق دیں گی او ر جو بھی امتیازی قوانین ہوں گے انکو ختم کیا جائیگا ۔ انہوں نے کہا کہ تحر یک انصاف اپنی پارٹی میں بھی تمام اقلیتوں کوساتھ لیکر چل رہی ہے اس موقعہ پر دیگر نے بھی خطاب کیا ہے ۔
فرمان الہی
نماز کے اوقات
