بہاولپور(سٹی رپورٹر) ڈائریکٹر آڈٹ اینڈ انفورسمنٹ پنجاب عمران اسلم نے ایکسائز اینڈ ٹیکسیشن آفس کی موٹر برانچ میں جدید ترین سکیننگ مشین کا افتتاح کیا اس موقع پر انہوں نے کہا کہ خطیر رقم سے خرید کی گئی جدید سکیننگ مشین بدولت گاڑیوں کی رجسٹریشن فائلیں مکمل کی جا سکے گی اور اس جدید سسٹم کی بدولت پرانی فائلوں کے ریکارڈ کو سکین کرکے محفوظ بنایا جا سکے گا انہوں نے کہا کہ حکومت پنجاب شہریوں کو سہولیات کی فراہمی کے حوا لے انقلابی اقدامات کر رہی ہیں جس کا مقصد عوام کو زیادہ سے زیادہ ریلیف فراہم کرنا ہے ڈائریکٹر ایکسائز اینڈ ٹیکسیشن افتخار احمد بھلی نے کہا کہ جدید ترین سسٹم کی تنصیب سے شہریوں کو نئی اور پرانی فائلوں کی ترسیل کے کام میں مذید بہتری آئے گی جس سے شہریوں کو خاطر خواہ ریلیف مل سکے گا اس موقع پر سینئر ایکسائز اینڈ ٹیکسیشن رحیم یار خان چوہدری محمد اکرام،ای ٹی او بہاول پور جام محمد سلیم اختر،انسپکٹر موٹر برانچ ایوب بلوچ،انسپکٹر قاسم سعیدی و دیگر موجود تھے آخر میں عمران اسلم نے آفس میں نصب کیے گئے سی سی ٹی وی کیمروں کی کارکردگی کا جائزہ بھی لیا۔
فرمان الہی
نماز کے اوقات
