راولپنڈی (اپنے رپورٹر سے) پیپلز یوتھ آرگنائزیشن راولپنڈی سٹی/کینٹ کے زیراہتمام شہید بینظیر بھٹو کی نویں برسی کے حوالے سے جائے شہادت لیاقت باغ پر چراغاں‘ نعت خوانی اور دعائیہ تقریب ہوئی۔ اس موقع پر پیپلز پارٹی کے تمام ونگز نے شرکت کی جن میں راجہ الطاف، خالد قریشی، ملک عامر فدا پراچہ، جمیل اختر قریشی، چوہدری افتخار، پی ایس ایف پنجاب کے راجہ شیراز کیانی، پی وائی او پنجاب کے رہنما سید فدا عباس، پی وائی او راولپنڈی ڈویژن کے راجہ کامران کامی، پی وائی او راولپنڈی سٹی کے اختر سعید پاپا، خرم ستی، خرم ہاشمی، وقار خالد قریشی، حسنین شاہ، اشرف حسین، ملک دانش، کینٹ سے راجہ فہد بشارت، ثاقب جدون بھی شامل تھے۔ تقریب کا باقاعدہ آغاز چراغ جلا کر کیا گیا۔ قائدین نے خطاب کرتے ہوئے کہا کہ شہید بی بی جیسی قائد صدیوں میں پیدا ہوتی ہے۔ انہوں نے جس میشن کی خاطر اپنی جان قربان کی آج ہم وہ مشن لیکر چل رہے ہے۔ چیئرمین بلاول بھٹو زرداری کے شانہ بشانہ ملکی بقاء اور جمہوریت کے تسلسل کیلئے کسی بھی قربانی سے دریغ نہیں کرینگے۔ پاکستان بھر کے کارکنان منتظر ہیں کہ 27دسمبر کو بلاول بھٹو زرداری حکومت کیخلاف جیسے ہی احتجاجی تحریک کا اعلان کرینگے دمادم مست قلندر ہو گا۔ آخر میں کارکنان نے ہاتھو ں میں ہاتھ ڈال کر تجدید عہد وفا کیا۔ احتتام سے بھٹو لنگر بھی تقسیم کیا گیا۔
فرمان الہی
نماز کے اوقات
