چار مطالبات کےلیے پیپلزپارٹی کی ڈیڈ لائن کا کل آخری دن ہے ،گڑھی خدابخش میں پیپلزپارٹی آئندہ لائحہ عمل کا اعلان کرے گی۔بے نظیر بھٹو کی نویں برسی پر لاڑکانہ پیپلزپارٹی کی سیاسی سرگرمیوں کا مرکز بن گیا۔ آصف زرداری آج پہنچیں گے ۔
پی پی کی سینٹرل ایگزیکٹوکمیٹی کے اجلاس اور جلسے میں شرکت کےلئےسابق صدرآصف زرداری پیپلزپارٹی کے گڑھ پہنچ رہےہیں، گڑھی خدا بخش میں بےنظیربھٹوکی نادر تصاویرنمائش کے لئے سجادی گئی ہیں۔
برسی میں شرکت کےلئے پیپلزپارٹی کی اعلیٰ قیادت نےلاڑکانہ کارخ کرلیا ہے،کل برسی کے سلسلے میں ہونے والے مرکزی جلسے کے تیاریوں کو حتمی شکل دی جارہی ہے،منتظمین کے مطابق کل دوپہر 2بجے جلسے کی ابتدا مشاعرے سے ہوگی ،جلسے کا باقاعدہ آغاز4بجےہوگا۔
جلسے میں سابق صدرآصف علی زرداری ،بلاول بھٹو،پی پی کی دیگر اعلیٰ قیادت شرکت کرے گی،جلسے کے بعد نوڈیرومیں سینٹرل ایگزیکٹوکمیٹی کا اجلاس ہوگا۔ اس موقع پر سیکورٹی کےسخت انتظامات کئےگئے ہیں ۔
برسی کے سلسلے میں بے نظیر بھٹو کی یادگارتصاویر نمائش کے لئے سجائی گئی ہیں اورلوگ جوق درجوق شہید بے نظیر بھٹو اورشہید ذوالفقارعلی بھٹو کے مزارپر حاضری دے رہےہیں۔
فرمان الہی
نماز کے اوقات
