چارسدہ ( آن لائن ) چار سدہ کے علاقے بوسا خیل کے ایک پرائمری سکول پر شدت پسندوں نے فائرنگ کی جس کے نتیجے میں 3 اساتذہ زخمی ہو گئے۔ موٹر سائیکل سوار نقاب پوش دہشتگردوں نے چھٹی کے وقت فائرنگ کی،تفصیلات کے مطابق گذشتہ روز چارسدہ میںایک نجی پرائمری سکول پر موٹر سائیکلوں پر آئے نقاب پوش شدت پسندوں نے فائرنگ کردی جسکے باعث 3 اساتذہ زخمی ہو گئے۔عینی شاہدین کے مطابق حملہ آور موٹر سائیکل پر سوار تھے جو فائرنگ کے بعد موقع سے فرار ہونے میں کامیاب ہو گئے۔پولیس کے مطابق سکول میں چھٹی کے وقت فائرنگ کا واقعہ پیش آیا ،واقعے کے بعدعلاقے کو گھیرے میں لیکر حملہ آوروں کی تلاش کی جا رہی ہے۔
فرمان الہی
نماز کے اوقات
