برمنگھم (نمائندہ جنگ) شہید جمہوریت بینظیر بھٹو کی قربانی سے آج کے پاکستان میں نہ صرف جمہوری نظام کا تسلسل ہے بلکہ پاکستان دنیا کے صف اول کے ممالک کی صف میں کھڑا ہے۔ بے نظیر بھٹو کی قومی و ملی خدمات پر انہیں خراج تحسین پیش کرنے کے لیے آج بروز منگل پیپلز پارٹی برطانیہ کے زیراہتمام شام4 بجے سابق وزیراعظم آزاد کشمیر چوہدری عبدالمجید، سابق وزیر تعلیم مطلوب انقلابی، سابق کمیونٹی ویلفیئر منسٹر ثالث رضا کیانی، سابق مشیر حکومت محمد سعید مغلMBE، سابق کوآرڈینیٹر انجم جرال، راجہ فضل الرحمٰن، سابق ایڈمنسٹریٹر چوہدری الیاس اور دیگر مرکزی رہنما و کارکن، جیالے چوہدری شاہ نواز کی صدارت میں منعقد ہونے والی عظیم الشان برسی کی تقریب سے خطاب کرکے بینظیر بھٹو کو خراج عقیدت پیش کریں گے۔ انتظامی کمیٹی کے انچارج قیوم راجہ نے کہا کہ کرسمس کی چھٹیوں کے باوجود تمام کارکن رہنما ایک دوسرے کے ساتھ رابطے میں ہیں اور تیاریوں کو حتمی شکل دے دی گئی ہے چوہدری جمشید، میاں مقبول خان، چوہدری اعظم، وحید راسب، رضا گجر، چوہدری شبیر، چوہدری ریاض سمیت تمام کارکن آج تقریب میں شریک ہوں گےاور نوجوان قیادت بلاول بھٹو کی زرداری کی قیادت میں پارٹی کو نئے سرے سے آرگنائز، متحد اور منظم کرنے کے لیے تجدید عہد کریں گے۔
فرمان الہی
نماز کے اوقات
