کراچی (جنگ نیوز) ”جیونیوز“ کے پروگرام ”خبرناک“ میں جمعہ کو ڈمی پرویز مشرف اور مشتاق رئیسانی مہمان ہوں گے۔ شو کے دوران گفتگو کرتے ہوئے مشرف (ڈمی) نے وارننگ دی کہ میں گیا وقت نہیں کہ واپس نہیں آؤں گا۔ ایک موقع پر پروگرام کی میزبان عائشہ جہانزیب نے استفسار کیا کہ نیب چوروں کو پکڑنے کیلئے ہے یا لٹیروں کو پتلی گلی دکھانے کیلئے؟۔ ناظرین فرعون، نمرود اور قارون کو بھی ”پلی بارگین“کی دوڑ میں شامل ہوتا دیکھیں گے۔ دلچسپ سیگمنٹ میں ”ملکہ جذبات کے بعد ملکہ جہنم اور”خواجہ سراؤں کا فارورڈ بلاک ان ایکشن “ دکھایا جائے گا۔ ”وزارت کا کل بجٹ چھ ارب اور کرپشن چالیس ارب “کے موضوع پر بھی اہم گفتگو ہوگی۔ اس کے علاوہ ساجد بھائی کا چیلنج اور دلفریب نغمہ بھی ”خبرناک“ کا حصہ ہے۔ طنز و مزاح سے بھر پور شو رات11 بجکر5منٹ پر نشر کیا جائے گا۔
فرمان الہی
نماز کے اوقات
