میرپورخاص(نامہ نگار) میرپورخاص اور گردونواح میں مختلف واقعات میں خاتون سمیت دس افراد زخمی ہو گئے۔اطلاعات کے مطابق میرپورخاص کے قریب کھان روڈ پر تیز رفتار رکشہ ڈرائیور سے بے قابو ہو کر الٹ گیا جس کے نتیجہ میں تین افراد چیتن،شگن کولہی اور شریمتی رانو زخمی ہو گئے۔زخمیوں کو قریبی اسپتال پہنچا دیا گیا۔ٹریفک کا دوسرا حادثہ عمرکوٹ روڈ پر مذبحہ کے قریب پیش آیا جس میں دو تیز رفتار موٹر سائیکل ٹکرانے سے چارافراد جمن قمبرانی،امتیاز علی،نذر محمد لغاری اور نواز پنھور زخمی ہو گئے،زخمیوں کو سول اسپتال میر پورخاص پہنچا دیا گیا،دریں اثناء میرپورخاص کے قریب میرواہ روڈ پر دوتیز رفتار موٹر سائیکلیں راہ گیروں پر چڑھ گئیں جس کے نتیجہ میں تین افراد ثاقب علی،سہیل جلبانی اور کاشف رند زخمی ہو گئے ،زخمیوں کو سول اسپتال میر پورخاص پہنچا دیا گیا۔
فرمان الہی
نماز کے اوقات
