سکھر شہر میں موٹر سائیکل چور گینگ سرگرم ہے۔ اس گینگ میں معذور افراد بھی شامل ہیں۔ پولیس کے مطابق رواں ماہ مختلف علاقوں سے25 سے زائد موٹر سائیکل چوری ہوئیں ہیں۔
تھانہ سی سیکشن کی حدود سے موٹرسائیکل چوری کی جانے کی سی سی ٹی وی فوٹیج جیو نیوز نے حاصل کرلی ہے۔ حیدری مسجد کے قریب فوٹیج میں موٹرسائیکل چوری کرتے معذور شخص کو باآسانی دیکھا جاسکتا ہے۔ چوری سے قبل آدھے گھنٹے تک چور اطراف کی گلیوں میں چکر لگاتا رہا تھا۔
موقع دیکھ کر چور نے مہارت سے سائیڈ لاک 3جھٹکوں میں توڑا اور موٹر سائیکل لے اڑا تھا۔ سی سی ٹی وی فوٹیج کے ذریعے چور کی شناخت کرلی گئی ہے۔
شناخت کے بعد گینگ کے دو کارندوں کی تصاویر تھانہ اے سیکشن کے باہر آویزاں کردی گئیں ہیں۔ ملزمان کو اشتہاری قرار دیکر 25000فی کس انعام بھی مقرر کیا گیا ہے۔ ملزمان کی معلومات دینے والے کا نام صیغہ راز میں رکھا جائے گا۔
فرمان الہی
نماز کے اوقات
