دبئی (نیوز ایجنسیز) عالمی نمبر ایک برطانوی اسٹار اینڈی مرے کا نئے سیزن میں مایوس کن آغاز رہا ہے، انہیں موبادلہ ورلڈ ٹینس چیمپئن شپ سیمی فائنل میں ڈیوڈ گوفن کے ہاتھوں اپ سیٹ شکست کا سامنا کرنا پڑا، رافیل نڈال فتوحات برقرار رکھتے ہوئے فائنل میں پہنچ گئے۔ ابوظہبی میں جاری نمائشی ٹینس ٹورنامنٹ کے سلسلے میں کھیلے گئے ایک سیمی فائنل میں ڈیوڈ گوفن نے عالمی نمبر ایک اینڈی مرے کو 7-6، 7-4 اور 6-4 سے ہرا کر ایونٹ سے باہر کر دیا، دوسرے سیمی فائنل میں ہسپانوی پلیئر اور سابق عالمی نمبر ایک رافیل نڈال نے میلوس راؤنک کو 6-1، 3-6 اور 6-3 سے زیر کر کے فائنل میں پہنچنے کا اعزاز حاصل کیا۔ نڈال کو فائنل میں ڈیوڈ گوفن کا چیلنج درپیش ہو گا۔واضح رہے کہ رافیل نڈال اس برس بہترین کارکردگی کیلئے بھرپور تیاری سے ہیں ۔ انجری کے بعد دوبارہ ٹینس کورٹ میںتہلکہ مچانے کیلئے پر عزم ہیں ۔ انہوں نے اپنے گزشتہ انٹرویو میں کہا تھا کہ میں آئندہ تین سے چار برسوں تک ٹینس کورٹ میں بھرپور فارم میں رہونگا ۔
فرمان الہی
نماز کے اوقات
