کراچی (اسٹاف رپورٹر) صدام الحق نے پریزیڈنٹ گولڈ کپ انٹرنیشنل اسکواش ٹورنامنٹ کے کوالیفائنگ رائونڈ میں کویت کے احمد المدحاف کو شکست دیدی۔ اسلام آباد کے مصحف علی میر اسکواش کمپلکس میں کھیلی جانے والی چیمپئن شپ کے کوالیفائنگ رائونڈ کا آغاز یکم جنوری سے ہوا جس میں 16 کھلاڑیوں نے شرکت کی۔ پاکستان کے صدام الحق نے کویت کے احمد المدحاف 21 منٹ کے کھیل میں 11-7، 11-4 اور 11-9 سے شکست دی۔ دیگر مقابلوں میں پاکستان کے ظاہر شاہ نے ہم وطن شعیب حسن کو آدھے گھنٹے سے زائد دیر جاری رہنے والے مقابلے میں 10-12، 11-17، 11-5 اور 11-6 سے، سید علی بخاری نے عباس شوکت کو 11-6، 4-11 اور 12-10 سے، اسمعیل روئف نے محمد فرحان کو 11-5، 13-15 اور 11-5 سے، وقار محبوب نے کاشف آصف کو 11-2، 11-3 اور 11-9 سے، فراز محمد نے رئیس خان کو 8-11، 11-7، 12-10 اور 4-11 سے، وقاص محبوب نے بلال ذاکر کو 11-4، 11-8 اور 11-6 سے، اسرار احمد نے ذیشان خان کو 11-8، 9-11، 11-9 اور 11-4 سے شکست دیکر اگلے رائونڈ میں رسائی حاصل کرلی۔
فرمان الہی
نماز کے اوقات
