کراچی (اسٹاف رپورٹر) اتقاء حسن زیدی میموریل ہاکی لیگ میں اتوار کو 8 میچز کھیلے گئے ۔ انڈر 14 میں اولمپئن لطیف الرحمن الیون نے اولمپئن حبیب الرحمن کو 1-3 سے شکست دی۔ فاتح ٹیم کیلیے زاہد عالم ، عبدالرحمن اور ہارون صدیقی جبکہ ناکام ٹیم کیلیے حمزہ جہانگیر نے گول کئے ۔ دوسرے میچ میں اولمپئن اختر حسین الیون نے اولمپئن انوار احمد خان الیون کو ایک گول سے شکست دی۔ میچ کا واحدگول بلال حمزہ نے اسکور کیا۔ اولمپئن لطیف الرحمن اور اولمپئن اختر حسین کے درمیان بغیر کسی گول کے برابر رہا۔ اولمپئن انوار احمد خان الیون نے اولمپئن حبیب الرحمن الیون کو 1-2 سے ہرادیا۔ فاتح ٹیم کی جانب سے ذیشان اور زین جبکہ حریف سائیڈ کیلیے سعود ڈار گول اسکورر رہے۔ انڈر 16 میں اولمپئن حبیب علی کڈی الیون کو علیم کے گول کی مدد سے عزیزالرحمن الیون نےہرادیا۔ اولمپئن خورشید اسلم الیون نے اولمپئن منورالزماں الیون کو 2 گول سے مات دی ۔ فہیم خان اور ہمایوں ملک گول اسکورر رہے ۔ اولمپئن خورشید اسلم نے عزیزالرحمن الیون کو 2 صفر سے ہرادیا۔ فہیم خانسعد احمد نے گیند کو جال کی راہ دکھائی۔ اولمپئن منورالزماں اور اولمپئن حبیب علی کڈی الیون کے درمیان بغیر کسی گول کے برابر رہا۔ آخری میچ میں کے الیکٹرک کے اسپورٹس ہیڈ میجر (ر) محمود ریاض مہمان خصوصی تھے ۔فائنل پیر کے بجائے اب منگل کو کھیلا جائے گا۔
فرمان الہی
نماز کے اوقات
