کراچی (اسٹاف رپورٹر)بائونس کلب نے اقرایونیورسٹی کو شکست دیکر قائد اعظم ایس ایس بی باسکٹ بال چیمپئن شپ جیت لی۔ پاکستان اسپورٹس ویلفیئر ایسوسی ایشن کے زیراہتمام کراچی باسکٹ بال ایسوسی ایشن کے اشتراک اور سندھ اسپورٹس بورڈکے تعاون سے منعقد ہونے والے قائد اعظم ایس ایس بی کپ باسکٹ بال ٹورنامنٹ میں بائونس کلب نے اقرایونیورسٹی کو 30-53 پوائنٹس سے شکست دی۔ تیسری پوزیشن کے میچ میں نشترکلب نے آرام باغ کلب کو50-57 سے شکست دی۔ فائنل کے مہمان خصوصی سیکرٹری کھیل سلیم رضا کھوڑو تھے جبکہ تقریب کی صدارت اسماعلی شاہ نے کی۔ ان میچوں میں طارق حسین، غلام رسول، جاوید احمد، ممتاز احمد، ظفراقبال اور یعقوب قادری نے ریفریز کے فرائض انجام دیئے۔ تقریب سے خطاب کرتے ہوئے سلیم رضا کھوڑو نے کہا کہ وزیراعلی سندھ سید مراد علی شاہ وزیر کھیل سردار محمدبخش مہرکی سر پر ستی اور ہدایات پر محکمہ کھیلوں کے فروغ کے لئے بے مثال کردار ادا کررہا ہے اور خدمت کھیل کا یہ سلسلہ جاری رہے گا انہوں نے کہا کہ آج پورے صوبے میں کھیل کے میدانو ں پرکھیلوں کے فروغ کے لئے تعمیراتی کا م جاری ہیں۔
فرمان الہی
نماز کے اوقات
