کراچی(اسٹاف رپورٹر) پاکستان ہاکی فیڈریشن کے سیکریٹری شہباز سینئر نے کہا ہے کہ ہاکی کی ترقی کےلئے ہاکی لیگ کا انعقاد بہت ضروری ہے۔ نیشنل ہاکی ا سٹیڈیم لاہور میں قومی ہاکی چیمپئن شپ کے سیمی فائنل کے موقع پر میڈیا سے گفتگو کرتے ہوئے انہوں نے کہا کہ لیگ کے انعقاد کے لئے حکومتی اجازت کا انتظار کررہے ہیں ۔ کرکٹ کی لیگ متحدہ عرب امارات میں ہوئی ہے لیکن ہاکی لیگ کا بیرون ملک انعقاد کروانے کا کوئی فائدہ نہیں ہے، بھارت نے ہاکی لیگ کی بدولت چند سالوں میں اپنی ہاکی کو بہتر کیا ہے جس کا نتیجہ جونیئر ورلڈ کپ کی جیت کی صورت میں انہیں ملا ہے ۔ شہبا ز سینئر نے کہاکہ 2017میں ہم سب سے پہلے سینئر ٹیم کی تشکیل کی طرف توجہ دیں گے۔ انہوں نے کہا کہ قومی سلیکشن کمیٹی پر بہت بھاری ذمہ داری عائد ہوتی ہے ۔
فرمان الہی
نماز کے اوقات
