لاڑکانہ ( بیورو رپورٹ) پیپلز پارٹی کے چیئرمین بلاول بھٹو زرداری نے کراچی روانگی سے قبل لاڑکانہ شہر کے مختلف مقامات کا دورہ کیا۔ وہ تمام وقت اپنی بلٹ پروف گاڑی میں موجود رہے جبکہ ان کا سیکیورٹی عملہ بھی گاڑی کے ساتھ ساتھ چلتا رہا اور کسی بھی کارکن کو گاڑی کے قریب نہ آنے دیاگیا۔ انتظامیہ کی جانب سے بھی سیکیورٹی کے غیرمعمولی انتظامات کئے گئے تھے۔ بلاول بھٹو زرداری نے بنک اسکوائر،بندر روڈ،پاکستان چوک،جناح باغ چوک اور اسٹیشن روڈ کا دورہ کیا۔ بلاول بھٹو زرداری کی آمد کی اطلاع ملتے ہی پی پی کے کارکنوں کی ایک بڑی تعداد مختلف مقامات پر جمع ہو گئی اور ان کی گاڑی پر گل پاشی کی۔ بعض مقامات پر کارکنوں نے رقص بھی کیا۔ بلاول بھٹو زرداری بعد ازاں موئنجودڑو ایئرپورٹ سے خصوصی پرواز کے ذریعے کراچی کے لئے روانہ ہو گئے۔
فرمان الہی
نماز کے اوقات
