کراچی (اسٹاف رپورٹر) جناح کالج نے مسلسل بارہویں سال انٹرکالجیٹ ہاکی چیمپئن شپ جیت کر نیا ریکارڈ قائم کردیا۔ بورڈ آف انٹرمیڈیٹ ایجوکیشن کراچی کے زیراہتمام ہونے والی انٹرکالجیٹ ہاکی کے فائنل میں جناح گورنمنٹ کالج نے آدم جی سائنس کالج کو 2-0 کی شکست دیکر مسلسل بارہویں سال چیمپئن شپ جیتے کا اعزاز حاصل کیا۔ فائنل کے مہمان خصوصی بورڈ آف انٹرمیڈیٹ انعام احمد تھے جنہوں نے کھلاڑیوں سے خطاب میں کہا کہ جناح کالج کی ٹیم نے مسلسل کامیابیوں کا نیا ریکارڈ قائم کیا ہے۔ یہ اس کالج کا اعزاز ہے، فائنل میں آدمجی کالج نے بھی عمدہ کارکردگی دکھائی۔فاتح ٹیم کو مبارک اور رنرز اپ ٹیم اپنی کارکردگی مزید بہتر بنائے تاکہ آئندہ سال ایونٹ جیتے، انہوں نے امید ظاہر کی کہ ہاکی کھلاڑی انٹربورڈ اسپورٹس گالا میں بھی بہترین کارکردگی دکھائیں گے۔ اس موپع پر کراچی ہاکی کے سیکرٹری حیدر حسین، عبدالباسط، طارق ابرار، شاہد مسعود، آدم جی کالج کے پرنسپل نسیم حیدر، خالد منیر، وسیم ماجد، ثمر حسین بھی موجود تھے۔
فرمان الہی
نماز کے اوقات
