پشاور(نیوز ڈیسک) یونین کونسل 85پجگی میں مقصود آباد روڈ کی عدم تعمیر کیخلاف اہالیان علاقہ اور سیاسی جماعتوں کے کارکنوں نے مظاہرہ کرتے ہوئے چارسدہ روڈ کو ٹریفک کیلئے بلاک کر دیا‘ مظاہرین کی قیادت جے یوآئی پجگی کے امیر قاری سید رسول ‘ جنرل سیکرٹری مولانا عبد اللہ شاہ‘ سابق یوسی امیدوار ڈاکٹر مسعود گل‘ ملک جہانداد خان‘ ڈاکٹر بخش گل ‘ سابق ناظم مولانا بشیر ‘ ناظم ملک عابد اللہ‘ جنرل کونسلر قاری ثناء گل ‘ صدر نور رحمن اور صدر رحمت اللہ کر رہے تھے ‘ اس موقع پر مظاہرین نے سڑک کی عدم تعمیر کیخلاف نعرے بازی بھی کی‘ مقررین نے کہا کہ مقصود آباد روڈ عرصہ دراز سے ٹوٹ پھوٹ کا شکار ہے‘ سڑک میں بڑے بڑے کھڈے پڑ چکے ہیں جس کے باعث وومن کالج جانے والی طالبات سمیت عام لوگوں کو مشکلات کا سامنا ہے‘ منتخب نمائندوں نے بارہا سڑک کی تعمیر کے وعدے کرکے ووٹ لئے لیکن اقتدار کے ایوانوں میں پہنچ کر عوام کو بھول گئےاس موقع پر مطالبہ کیاگیا کہ سڑک تعمیر نہ ہوئی توصوبائی اسمبلی کے سامنے دھرنا دینگے ‘ مظاہرین بعد ازاں پرامن طور پر منتشر ہوگئے ۔
فرمان الہی
نماز کے اوقات
