کراچی (اسٹاف رپورٹر) امن میراتھن ریس گھوٹکی سعید احمد چاچڑ نے 12 کلو میٹر کا فاصلہ44 منٹ میں طے کرکے پہلی پوزیشن حاصل کرلی۔ محکمہ کھیل سندھ زیراہتمام ہونے والی ریس کا افتتاح صوبائی وزیر کھیل سندھ سردار محمد بخش مہر نے صوبائی سیکریٹری اسپورٹس محمد سلیم رضا کے ہمراہ کیا۔صوبائی وزیر کھیل سردار محمد بخش مہر، ڈپٹی کمشنر گھوکی سید اعجاز شاہ اور ایس ایس پی گھوٹکی مسعود بنگش سمیت500 سے زائد ایتھلیٹ نے ریس میں شرکت کی۔ محکمہ کھیل کی جانب سے میراتھن ریس کے تمام شرکاء میں امن ٹی شرٹس بھی تقسیم کی گئیں۔ سعید احمد چاچڑ نے12کلو میٹر کا فاصلہ44ویں منٹ میں طے کرکے ایک لاکھ روپے اور موٹر سائیکل کا بمپر پرائز حاصل کیا۔ دوسری پوزیشن یاسین میرانی، تیسری پوزیشن قربان علی، چوتھی پوزیشن محمد حنیف انصاری نے جبکہ پانچویں پوزیشن رانا سلیم اللہ نے حاصل کرکے بالترتیب80 ہزار، 50ہزار، 40ہزار اور30 ہزار کا نقد انعام حاصل کیا۔
فرمان الہی
نماز کے اوقات
