کراچی ( اسٹاف رپورٹر )نیشنل بینک پریذیڈنٹ فٹ بال ٹورنامنٹ میں جمعرات کو ٹورنامنٹ میں 2 میچز کھیلے گئے ۔ پہلامیچ جو کے پی ٹی اور پاکستان پولیس کے درمیا ن تھا پہلے ہاف میں بغیر کسی گول کے برابر تھا دوسرے ہافمیں کے پی ٹی کو فارورڈ محمد نے برتری دلائی مگر صر ف 10 منٹ بعد پولیس کے فارورڈ عبدالواصف نے گول اسکورکرکے مقابلہ برابر کر دیا۔ دوسرا میچ جوکہ واپڈ ا اور کراچی یونائیٹڈ کے درمیان کھیلاگیا کراچی یونائیٹڈنے واپڈا کے خلاف 0-2 سے حیران کن فتح حاصل کی پہلے ہاف کے اختتام پر مقابلہ بغیر کسی گول کے برابر تھا دوسرے ہاف میں کراچی یونائیٹڈ کی جانب سے پہلاگول فارورڈ آصف نے51 ویں منٹ جبکہ دوسرا گول فارورڈ نعمان نے 79 منٹ میں کیا۔ میچ شروع ہونے سے قبل صوبائی وزیر کھیل محمدبخش مہر کی والدہ کے انتقال پر دعائے مغفرت کرائی گئی۔دریں اثنا جمعرات کو بے نظیر بھٹو کے پی ٹی فٹبال اسٹیڈیم پر صحافیوں سے گفتگو کرتے ہوئے پاکستان فٹبال فیڈریشن کے سابق چیف سلیکٹراور انٹر نیشنل فٹبا لر کرنل یونس چنگیزی نے کہا ہے کہ بینک کی انتظامیہ نے پر یذیڈینٹ کپ فٹبال ٹورنامنٹ کا انعقاد کرکے فٹبال کے فروغ کے لئے ایک اہم اقدام کیا ہے، میں اپنی اور فٹبال کے حلقو ں کی جانب سے نیشنل بینک شعبہ اسپورٹس کے سربراہ اویس اسد خان سے اظہار تشکر کرتا ہوں ۔ اس موقع پر قمرعلی قریشی ، غلام محمدخان ، عظمت اللہ خان بھی موجود تھے کرنل چنگیزی نے کہاکہ آج ملک میں فٹبال کی سرگرمیاں بہت کم ہیں اور نیشنل بینک نے اس ٹورنامنٹ کا انعقاد کر کے فٹبال کھیل کو زندہ کیا ہے انہوں نے اس امید کا اظہار کیا کہ اس تورنامنٹ سے ملک کو عظیم فٹبالر میسر آئینگے اور کہا کہ یہ ایک تاریخی ٹورنامنٹ ہوگا ۔
فرمان الہی
نماز کے اوقات
