اسلام آباد ( نمائندہ جنگ) ایوان بالا کو بتایا گیا کہ حکومت کی طرف سے 2013سے پرنٹ اور الیکٹرانک میڈیا پر11اب 76کروڑ 49لاکھ سے زیادہ کی رقم سرکاری اشتہارات پر خرچ کی گئی ۔ جمعرات کو سینٹ کے اجلاس میں وزیر مملکت برائے اطلاعات و نشریات مریم اورنگزیب نے سنیٹر سحر کامران کے سوال کے تحریری جواب میں ایوان کو بتایا کہ 2013\14سے 31دسمبر 2016ء تک پرنٹ میڈیا کو 8ارب 13کروڑ73لاکھ 70ہزار جبکہ الیکٹرانک میڈیا پر 3ارب 62کروڑ 76لاکھ 27ہزار 922روپے کے سرکاری اشتہار دیئے گئے ۔ سنیٹر طاہر مشہدی کے سوال کے تحریری جواب میں وزیر مملکت نے بتایا کہ گذشتہ پانچ سالوں کے دوران چینلز کے قیام اور آپریشن کیلئے صرف دو سیٹلائٹ ٹی وی براڈ کاسٹ سٹیشن لائسنس یعنی مشرق ٹی وی اور پشتو ون جاری کئے ہیں یہ دونوں لائسنس 2013ءمیں جاری کئے گئے تھے۔
فرمان الہی
نماز کے اوقات
