شیخوپورہ(نمائندہ جنگ)ٹریفک کے مختلف حادثات میں تین افراد ہلاک ہوگئے، لاہور روڈ جوئیانوالہ موڑ کے قریب ایک ٹرک نے موٹر سائیکل سوار دو دوستوں کو ٹکر ماردی جس سے ایک نوجوان خوشی محمد ہلاک اور سلطان زخمی ہوگیا، دونوں کا تعلق چونگی امرسدولاہور سے بتایا گیا ہے جو کسی کام کے سلسلہ میں شیخوپورہ آرہے تھے، شاہدرہ سے فیروزوالہ جانیوالی ایک سکول بس ٹائر برسٹ ہو جانے کے باعث الٹ گئی جس کے نتیجہ میں تین اساتذہ سمیت 30طلباء زخمی ہوگئے جن میں سے چھ کو شدید چوٹیں آئیں انہیں مخدوش حالت کے پیش نظر ہسپتال میں طبی امداد دی جارہی ہے، حادثہ کا شکار ہونے والی بس کے بارے میں انکشاف ہوا ہے کہ یہ انتہائی خستہ حالت تھی اور اس میں گنجائش سے زائد بچے سوار تھے، طلباء نے بس کی حالت اور دوران سفر ڈرائیور کی طرف سے فحش گانے لگانے کے متعلق سکول انتظامیہ کو شکایات بھی کررکھی تھیں مگر کوئی نوٹس نہ لیا گیا ،فیصل آباد روڈ بائی پاس ڈیرہ مائی حاکاں کے قریب ایک مسافر بس الٹ جانے کے باعث 10مسافر زخمی اور ایک ہلاک ہوگیا جبکہ جی ٹی روڈ مریدکے کے نزدیک ایک حادثہ میں ایک شخص سڑک عبور کرتے ہوئے نامعلوم گاڑی کی زد میں آکر ہلاک ہوگیا۔
فرمان الہی
نماز کے اوقات
