کراچی (اسٹاف رپورٹر) نمبر ایک سیڈ ناصر خان اور نمبر ڈو سیڈ ذیشان گل قومی جونیئر اسکواش چیمپئن شپ کے انڈر 19 بوائز فائنل میں پہنچ گئے۔ ریحانہ نذر اسکواش کمپلکس ٹنڈو الہیار میں راشد میموریل ویلفیئر آرگنائزیشن اورسندھ اسکواش اور ٹنڈو الہیار اسکواش ایسوسی ایشن کے تعاون سے کھیلی جانے والی چیمپئن شپ کے بوائز انڈر 19 کے سیمی فائنل میں ٹاپ سیڈ ناصر خان نے سیف اللہ کو، نمبر دو سیڈ ذیشان گل نے حارث اقبال کو شکست دیکر فائنل میں جگہ بنائی۔ گرلز انڈر 19کے سیمی فائنل میں نمبر دو سیڈ نور الہدی کو ان سیڈڈ کومل نے حیران کن شکست دی۔ ٹاپ سیڈ مدینہ ظفر نے نمبر چار امینہ شہباز کو ہرایا۔ بوائز انڈر17میں سیڈ نمبر تین عُزیر شوکت نے سیڈ نمبر ایک طلحہٰ عالم کو، عُزیر رشید نے نوید رحمان کو شکست دی۔ بوائز انڈر 15کا فائنل پنجاب کے فرحان ہاشمی اور پاکستان ایئر فورس کے اسد اللہ خان کے مابین کھیلا جائے گا۔ بوائز انڈر 13کے سیمی فائنل میں پنجاب کے طیب رؤف نے اصحب عرفان کو جبکہ دوسرے سیمی فائنل میں سیڈ نمبر چار محمد احمد نے سیڈ نمبر دو ولید خلیل کو، گرلز انڈر15میں آمنہ فیاض اور پنجاب کی نورالعین اعجاز نے فائنل کے لیے کوالیفائی کیا۔ چیمپئن شپ میں منگل کو تمام کیٹگریز کے فائنلز کھیلے جائے گے۔
فرمان الہی
نماز کے اوقات
