فیصل آبا د (سٹاف رپورٹر) رکن صوبائی اسمبلی و رہنما پا کستان تحریک انصاف شیخ خرم شہزاد نے کہاکہ29دسمبر کو ساہیوال جلسہ میں پی پی 72سے ہزاروں کارکن شرکت کریں گے۔پی پی 72سے بہت بڑا قافلہ ساہیوال جلسہ میں شرکت کیلئے نکلے گا۔ اتوار کوساہیو ال میں ہونے والا تحریک انصاف کا جلسہ تاریخی ہوگا۔ جلسے میں لاکھوں کی تعداد میں عوام شرکت کریں گے۔پی ٹی آئی عوام کو غلامی سے نجات دلوائے گی۔پا کستان تحریک انصاف حکمرانوں کی کرپشن کیخلا ف شہر شہر جائے گی۔ عمران خان پانامہ زدہ حکمرانوں کیخلا ف ہر فورم پر آواز بلند کریں گے۔ عمران خان پر تنقید کرنے والے ہوش کے ناخن لیں اورمنفی پراپیگنڈے سے باز ر ہیں۔ عمران خان واحد لیڈر ہیں جو اقتدار میں آئے بغیر فلاحی کاموں میں بڑھ چڑھ کر حصہ لے رہے ہیں۔ملکی دولت لوٹنے والوں اورکئی سالوں سے اقتدارمیں رہنے والوں نے عوام کو مایو سی کے سوا کچھ نہیں دیا۔
فرمان الہی
نماز کے اوقات
