ساہیوال کول پاور پروجیکٹ کے لئے کوئلے کا جہاز کراچی کی بندرگاہ پہنچ گیا، ریلوے نے کوئلے کی ترسیل کے لئے مال گاڑی کراچی پہنچا دی، 29 جنوری کو پہلی ٹرین کراچی سے کوئلہ لیکرساہیوال کے لئے چلے گی۔
کہا جاتا تھا کہ 2017ء پاکستان میں بجلی کے نئے منصوبوں کی تکمیل کا سال ہوگا، یہ دعویٰ حقیقت کا روپ دھارنے لگا ہے، ساہیوال کول پاور پراجیکٹ کے لئے نہ صرف بحری جہاز کوئلہ لیکر کراچی کی بندگاہ پر پہنچ گیا ہے بلکہ ریلوے حکام نے بھی اس مقصد کے لئے مال گاڑی کراچی پہنچا دی، جہاں اب کوئلے کو مال گاڑی پر لوڈ کرنے کا کام شروع ہو جائے گا۔
ریلوے کے چیف ایگزیکٹو آفیسر جاوید انور نے جیونیوز کو بتایا کہ 29 جنوری کو پہلی مال گاڑی کوئلہ لیکر کراچی سے ساہیوال کول پاور پلانٹ کے لئے روانہ ہوجائے گی، شروع میں ایک جبکہ بعد میں روزانہ پانچ مال گاڑیوں کے ذریعے کوئلہ پاور پلانٹ تک پہنچایا جائےگا۔
سی ای او ریلوے کے مطابق کوئلے کی ترسیل کے لئے امریکہ سے چار ہزار ہارس پاور والے انجن پاکستان پہنچنا شروع ہو گئے ہیں۔
سیکریٹری انرجی پنجاب اسعد رحمٰن گیلانی نے بتایا کہ تقریباًپانچ ماہ تک پاور پلانٹ پر کوئلہ اسٹاک کیا جائے گا اور اسی سال جون میں ساہیوال کول پاور پلانٹ میں بجلی کی پیداوار شروع ہو جائے گی۔
انہوں نےمزید بتایا کہ ساہیوال کول پاور پلانٹ 13سو میگاواٹ بجلی پیدا کرنے کی صلاحیت رکھتا ہے۔
فرمان الہی
نماز کے اوقات
