گجرات (نمائندہ جنگ) شہباز شریف پارک گجرات میں مسجد کی تعمیر کا سنگ بنیاد اور شوٹنگ کلب کا افتتاح کر دیا گیا، ڈپٹی کمشنر سرگودھا لیاقت علی چٹھہ، ڈپٹی کمشنر گجرات عرفان علی کاٹھیا مہمانا ن خصوصی تھے، اسسٹنٹ کمشنر گجرات ظہیر چٹھہ اورمعززین کثیر تعداد میں موجود تھے۔ مسجد اورنگزیب کا سنگ بنیاد رکھنے کے موقع پر ڈپٹی کمشنر عرفان علی کاٹھیا نے بتایا کہ منصوبے پر ایک کروڑ روپے لاگت کا تخمینہ ہے، منصوبے کو پبلک پرائیویٹ پارٹنر شپ کے تحت مکمل کیا جائے گا، انہوں نے بتایا کہ اسٹیٹ آف دی آرٹ مسجد کی تعمیر 6 ماہ میں مکمل کر لی جائے گی، یہ مسجد تمام مسالک سے تعلق رکھنے والے اہل اسلام کیلئے ہوگی، جس میں سرکاری طور پر خطیب تعینات کیا جائے گا۔ مسجد کی تعمیر کا مقصد پارک میں سیر کیلئے آنیوالے مرد و خواتین کو نماز کی ادائیگی کیلئے بہترین سہولت فراہم کرنا ہے۔ شوٹنگ کلب کی افتتاحی تقریب کے موقع پر ڈپٹی کمشنر عرفان علی کاٹھیا نے بتایا کہ جمخانہ گجرات کے زیر اہتمام سپورٹس کا منصوبہ چند ما ہ کی قلیل مدت میں مکمل کیا گیا ہے جس پر ایک کروڑ روپے اخراجات ہوئے ہیں جبکہ اس کے ساتھ رائیڈنگ کلب کی تعمیرجاری ہے۔
فرمان الہی
نماز کے اوقات
