کراچی(اسٹاف رپورٹر) لاہور لائنز نے پی ایچ ایف خواتین ہاکی لیگ جیت لی۔ بدھ کو لاہور کے نیشنل ہاکی اسٹیڈیم میں فائنل میں کوئٹہ پینتھرز کو دو گول سے شکست کا سامنا کرنا پڑا۔ کراچی ڈولفنز نے سخت مقابلے کے بعد اسلام آباد شاہین کو پنالٹی شوٹ آئوٹ پر تہیمنہ کے فیصلہ کن گول کی مدد سے ہراکر تیسری پوزیشن حاصل کر لی۔ دونوں ٹیموں کے درمیان دل چسپ مقابلہ ہوا تاہم مقررہ وقت تک کوئی ٹیم گول نہ کرسکی تھی۔ میچ کو فیصلہ کن بنانے کے لئے پنالٹی شوٹ آئوٹ کا سہارا لیا گیا، کراچی کی گول کیپر سعدیہ رحمت اپنی ٹیم کے لئے رحمت بن گئی اور انہوںنے کئی یقینی گول بچائے۔ سعدیہ کو ٹور نامنٹ کی بہترین گول کیپر کا ایورڈ بھی دیا گیا۔ ایونٹ کے فائنل میں لاہور لائنز نے کوئٹہ کو دوگول سے مات دی۔ دونوں گول عشرت عباس نے اسکور کیے۔ وہ ایونٹ میں مجموعی طور پر چھ گول کرکے ٹاپ اسکورر کے ایوارڈ کی حقدار بھی بنیں۔ کوئٹہ کی نفیسہ انور ٹورنامنٹ کی بہترین کھلاڑی قرار پائیں۔
فرمان الہی
نماز کے اوقات
