سکھر (بیورو رپورٹ) ریجنل ہیڈ آفس نادرا سکھر کی جانب سے جاری اعلامیہ کے مطابق سکھر ریجن کے مختلف اضلاع میں عوام کو کمپیوٹرائزڈ قومی شناختی کارڈ بنا کر دینے کے لئے13فروری سے 24فروری تک موبائل وینز بھیجنے کا شیڈول جاری کیا گیا ہے۔ضلع سکھر میں این آر سی پنو عاقل میں 13 فروری سے 24 فروری تک موبائل وین نمبر1 جبکہ این آر سی سکھر سٹی ضلع سکھر میں نادرا کی موبائل وین نمبر11 موجود رہے گی اور موبائل وین نمبر13گھوٹکی ضلع کے این آر سی میرپور ماتھیلو میں موجود رہے گی ۔ خیر پور ضلع کے تعلقہ نارا ، ٹھر ی میرواہ اور فیض گنج کی یونین کونسلز میں 13 فروری سے 24 فروری تک موبائل وین نمبر 19جبکہ تعلقہ گمبٹ ، سوبھو ڈیرو اور کوٹ ڈیجی کی یونین کونسلز میں موبائل وین نمبر21شناختی کارڈ بنانے کے عمل کو جاری رکھے گی۔ متعلقہ علاقوں کے لوگوں کو مشورہ دیا گیا ہے کہ وہ اپنے قومی شناختی کارڈ بنوانے یا درستگی کے سلسلے میں دی گئی بالا تاریخوں پر موبائل ٹیموں سے رابطے میں رہیں۔
فرمان الہی
نماز کے اوقات
