سیالکوٹ(نمائندہ جنگ) ٹریفک حادثات میں ایک خاتون سمیت 10 افراد زخمی ہوگئے۔ سیالکوٹ وزیرآبادروڈ رندھیر موڑ کے پاس دو موٹر سائیکلوں کے تصادم میں41سالہ محمد علیم،ایمن آباد روڈکے پاس موٹر سائیکل سے گر کر35سالہ امروزیہ شاہد،وزیرآباد روڈ رحیم پور سٹاپ کے پاس کار موٹر سائیکل کو پیچھے سے ٹکر لگنے سے18سالہ یاسر اور43سالہ شہباز،کنگرہ روڈ اڈا ماہل کے پاس دو موٹر سائیکلوں کے تصادم میں12سالہ جنید اور21سالہ بلاول،پسرور روڈ لکھن پور سٹاپ کے اس نامعلوم موٹر سائیکل کی ٹکر سے پیدل سڑک پار کرنے والے50سالہ محمد الیاس، تھانہ حاجی پورہ کے علاقہ حاجی پورہ روڈ دو موٹر سائیکلوں کے تصادم میں40سالہ قیصر،ایمن آباد روڈ کے پاس موٹر سائیکل سے گر کر22سالہ ستارہ وارث ،اڈا بھیلو مہار کے پاس موٹر سائیکل ٹریکٹر ٹرالی سے ٹکرانے سے22سالہ عمران زخمی ہو گئے۔معمولی زخمیوں کو موقع پر ہی طبی امداد دی گئی جبکہ شدید زخمیوں کو ریسکیو نے گورنمنٹ سول ہسپتال سیالکوٹ منتقل کر دیا گیا۔
فرمان الہی
نماز کے اوقات
