کراچی (اسٹاف پورٹر) احمد چوہدری،عقیل خان،مزمل مرتضیٰ اور ایم عابد نے ابراہیم میموریل نیشنل ٹینس ٹورنامنٹ کے سیمی فائنل میں جگہ بنالی جبکہ لیڈیز سنگلز میں ایشا جواد کوارٹر فائنل میں پہنچ گئیں ۔ کراچی جیم خانہ کے ہارڈ کورٹ پر جاری ایونٹ میں مینز سنگلز کے کوارٹر فائنل میچوں میں عقیل خان نے عثمان رفیق ،احمد چوہدری نے ہیرا اشوک ،مزمل مرتضیٰ نے عبدالحیدر جبکہ ایم عابد نے مدثر مرتضیٰ کو شکست دے کر سیمی فائنل کے لئے کوالیفائی کرلیا ۔لیڈیز سنگلز کے دوسرے رائونڈ میں ایشا جواد نے ابصریٰ اور ماہین ڈادا نے عروج بتول کو زیر کیا ۔انڈر18 میں رضا سوانی ،نعمان آفتاب اور صاحبزادہ محمد علی نے سیمی فائنل میں جگہ بنالی ۔ انڈر16 کے دوسرے رائونڈ میں زبیر راجا ،نور مصطفی ،شازل ملک جبکہ امین شفیع کامیاب ہوئے ۔ انڈر 14میں حامد اسرار ، یحییٰ اور اشیش کمار نے سیمی فائنل کے لئے کوالیفائی کیا ۔ انڈر 10کے پہلے رائونڈ میں زین اور طہٰ امان نے صارم عمران کو زیر کیا ۔مینز ڈبلز میں رضا سوانی اور صاحبزادہ محمد علی کی جوڑی نے نمیر شمسی اور عمر شاہد کی جوڑی کو ہرا دیا ۔
فرمان الہی
نماز کے اوقات
