سانگھڑ +ہالا(نامہ نگار ان )پولیس کا جرائم پیشہ عناصر کے خلاف کریک ڈاؤن جاری۔ دو اشتہاریوں دو روپوش ملزمان سمیت نو گرفتار، اسلحہ و منشیات برآمد تفصیلات کے مطابق پولیس کا جرائم پیشہ عناصر کے خلاف کریک ڈاؤن جاری ہے تازہ کاروائیوں میں دو اشتہاری اور دو روپوش ملزمان مختلف جرائم میں ملوث نو ملزمان گرفتار کرکے اسلحہ و منشیات برآمد کی گئی۔ سنجھورو تھانے کی حد میں بچایو اسٹاپ کے نزدیک چیکنگ کے دوران دو خطرناک اشہاری ملزمان امیر علی جمالی اور قبول جمالی گرفتار کرکے جیل بھیج دیئے گئے جھول تھانے کے اہلکاروں نے ایک چھاپے کے دوران دو اشتہاری ملزمان امبیو بھیل اور فقیر محمد چانڈیو کو گرفتار کرکے جیل منتقل کردیا۔ سانگھڑ شہر میں نظامانی محلے میں منشیات فروش مبارک بھٹی کو گرفتار کرکے اس سے ایک کلو ایک سو تیس گرام چرس برآمد کی گئی۔ لٹکو موری کے نزدیک چیکنگ کے دوران ابراہیم شر کو گرفتار کرکے بارہ بور ریپیٹر اور دو کارتوس برآمد کیا گیا۔ لو ند و اور ٹنڈو آدم تھانوں کی حدود میں دیسی شراب کی فروخت میں ملوث ملزمان کے خلاف کاروائی کے دوران ملزمان ابن ملاح آفتاب مغل اور اکرم خاصخیلی کو گرفتار کرکے ستر لٹر دیسی شراب برآمد کی گئی۔ہالا۔پولیس کا منشیات فروشوں کے خلاف آپریشن، منشیات فروخت کرنے والے آزاد جبکہ استعمال کرنے والوں پر مقدمات درج کرلئے گئے۔تفصیلات کے مطابق نیوسعیدآباد کےقریب قومی شاہراہ پر واقع ہوٹل پر پولیس نے چھاپہ مار کر دوملزمان کو حراست میں لیکر بھاری مقدار میں چرس برآمد کرلی۔ بعدازاں ملزمان رہا کردیئے گئے۔ عرصہ دراز سے کمیجہ شاخ پر واقع دوہوٹلوں کی آڑ میں قائم چرس اڈے پر نیوسعیدآباد پولیس نے کارروائی کرتے ہوئے دو ملزمان کو حراست میں لیکر کئی کلو گرام چرس ضبط کی۔
فرمان الہی
نماز کے اوقات
