گجرات (نمائندہ جنگ) ڈکیتی و چوری کی سات وارداتوں میں رکشہ، موٹر سائیکل، نقدی، لیپ ٹاپ، موبائل فونز، دیگ اور مال مویشی لوٹ لیے گئے، صدر گجرات کے علاقہ غازی کھوکھر سے ڈاکو پر محمد افضل سے نقدی اور موبائل فون وغیرہ چھین کر لے گئے، صدر گجرات ہی کے گاؤں ٹبی سیکھواں سے محمد آصف وغیرہ عثمان رشید کے گھر سے نقدی، موبائل فون، لیپ ٹاپ اور ایل ای ڈی وغیرہ، لاری اڈا گجرات کے علاقہ کالرہ خاصہ میں شادی کی تقریب کے دوران محمد عظیم نے سجاد احمد اور اس کے کزن کی جیب سے نقدی10ہزارروپے نکال لی،سول لائن گجرات کے علاقہ بغد اد کالونی سے ذیشان عرف شانی وغیرہ 4 افراد سلیمان شوکت کا رکشہ، صدر لالہ موسیٰ کے گاؤں قاضیاں کرم شاہ سے چور محمد ندیم طارق کی موٹر سائیکل، ککرالی کے گاؤں ہنج سے چور محمد فاروق کے گھر سے دیگ چوری کرکے لے گئے جبکہ ڈنگہ کے گاؤں کالو ساہی سے چور نذیر احمد کے ڈیرہ سے اس کی بھینس چوری کھول کر لے گئے، پولیس نے مقدمات درج کر لیے۔
فرمان الہی
نماز کے اوقات
