کراچی ( اسپورٹس ڈیسک) متحدہ عرب امارت میں جاری دبئی ٹینس میں رواں ہفتے سے مردوں کے مقابلے شروع ہوئے ، پیرکو سنگلز کے پہلے رائونڈ میں سربیا کے وکٹر ٹروائیکی کو اسپین کے گارسیا لوپیز کے ہاتھوں اسٹریٹ سیٹ میں 6-4، 6-3سے شکست ہوئی ۔ ٹورنامنٹ کے دیگر مقابلوں میں لکسمبرگ کے گائلز ملر کو جرمنی کے کولشیریبر نے 6-4، 7-6سے زیر کیا ۔ اسپین کے روبرٹو بتستا نے روسی پلیئر کیرن کشانوو کو 6-1، 7-6سے ہرایا۔ جبکہ جمہوریہ چیک کے جن ویزلے کو مارسل گرینولرز کے ہاتھوں 6-3، 6-2سے شکست ہوئی ۔ ٹورنامنٹ میں ڈبلز کے پہلے رائونڈ میں کونٹین اور پیئرز کی جوڑی نے الاوادی اور مدانچی کی جوڑی کو اسٹریٹ سیٹ میں 6-1، 6-1سے ، ڈین ایونز اور گائلز ملر کی جوڑی نے اینڈی مرے اور زیمونجک کی جوڑی کو 6-1، 7-6، راجر اور ٹیکائو کی جوڑی نے پیوک اور پیا کی جوڑی کو 7-6، 6-1سے شکست دے دی ۔
فرمان الہی
نماز کے اوقات
