کوہاٹ(نمائندہ جنگ) کوہاٹ پی اے ایف بیس کے اطراف میں سرچ آپریشن کے دوران چودہ مشکوک افراد کو حراست میں لیا گیا۔گرفتار افراد کے قبضے سے اسلحہ اور منشیات بھی برآمد کرلی گئی ہے ۔ مشتبہ دہشتگردو ں اشتہاری مجرموں اور جرائم پیشہ عناصر کے خلاف جاری سرچ اینڈ سٹرائیک آپریشن کے سلسلے میں پولیس اور ایلیٹ فورس کی بھاری نفری نے کارروائی کرتے ہوئے منگل کے روز پی اے ایف بیس کے اطراف میں واقع میاں گان کالونی،آفریدی بانڈہ اور درے وال بانڈہ کے علاقوں کا محاصرہ کرتے ہوئے ٹارگٹڈ گھروں کی تلاشی کے دوران چودہ مشتبہ افراد کو حراست میں لیکر انکے قبضے سے مجموعی طور پر دو کلاشنکوف،تین رائفل،ایک ریپیٹر،پانچ پستول ،مختلف بور کے سینکڑوں کارتوس اور ڈھائی کلوگرام چرس برآمد کرلئے ۔ آپریشن کے دوران گرفتار افراد کو چھان بین کیلئے تھانہ محمد ریاض شہید منتقل کردیا گیا ۔
فرمان الہی
نماز کے اوقات
