لاہور(نمائندہ جنگ)لاہور ہائیکورٹ نے شریف خاندان کے ارکان کی ملکیت شوگر ملز کی ایک اضلاع سے دوسرے اضلاع منتقلی کے معاملے پر کارروائی2 مارچ تک ملتوی کردی ہیں۔ چیف جسٹس لاہور ہائیکورٹ جسٹس منصور علی شاہ کی سربراہی میں دو رکنی بنچ نے شریف خاندان کی تین شوگرملز کی منتقلی کے معاملے پر دوسرے روز بھی سماعت کی۔ کارروائی کے دوران پنجاب حکومت کے وکیل خواجہ حارث نے دلائل دیئے اور آگاہ کیا کہ 2016 کے نوٹیفکیشن کے تحت شوگر ملز کی منتقلی میں کوئی بدنیتی شامل نہیں تھی۔ خواجہ حارث نے دلائل مکمل کرلیے۔ ہائیکورٹ کے دو رکنی بنچ نے تحریک انصاف کے رہنما جہانگیر ترین کے وکیل اعتزاز احسن کو ہدایت کی کہ وہ آئندہ سماعت پر جوابی دلائل دیں۔ شوگر ملز کی منتقلی کے معاملے مزید کارروائی دو مارچ کو ہوگی۔
فرمان الہی
نماز کے اوقات
