کراچی(اسٹاف رپورٹر) پاکستان اسکواش فیڈریشن نے امجد خان کو قومی ٹیم کے کوچ کے عہدے سے ہٹاکر ان کی جگہ فہیم گل کو نیا کوچ مقرر کردیا ہے، پاک فضائیہ کے سربراہ اور پاکستان ا سکواش فیڈریشن کے صدر ائیر چیف مارشل سہیل امان نے فہیم گل کو قومی اسکواش ٹیم کا نیا کوچ بنانے کی منظوری دیدی۔ پاکستان ا سکواش فیڈریشن کے سیکرٹری گروپ کیپٹن عامر نواز کے مطابق اس بات کا فیصلہ ا سکواش فیڈریشن کی ایگزیکٹو کمیٹی کے اجلاس میں کیا گیا جس میں اسکواش لیجنڈز جہانگیر خان ، جان شیر خان اور قمر زمان کی سفارشات کا جائزہ لینے کے بعد امجد خان کی جگہ فہیم گل کو قومی ٹیم کا نیا کوچ بنانے کا فیصلہ کیا گیا۔ انہوں نے بتایا کہ ا سکواش فیڈریشن نے پروفیشنل سکواش ایسو سی ایشن کی جانب سے پاکستان پر سکواش کے انٹرنیشنل ٹورنامنٹس کرانے پر عائد پابندی کے بعد نئے کوچ فہیم گل کو خصوصی ٹاسک سونپے گئے ہیں جبکہ قومی سینئر ٹیم نے آئندہ ماہ بھارت میں ایشین سینئر ٹیم چیمپین شپ میں حصہ لے ،فہیم گل کا پہلا انٹرنیشنل ٹاسک ایشین سینئر چیمپین شپ ہوگی۔ انہوں نے بتایا کہ فہیم گل کو نئے ٹیلنٹ کو سامنے لانے اور اکیڈمیز سمیت دیگر ٹاسک بھی سونپے جائینگے۔
فرمان الہی
نماز کے اوقات
