راولپنڈی (آئی این پی)کورکمانڈر راولپنڈی لیفٹیننٹ جنرل ندیم رضا اور کورکمانڈر بہاولپور لیفٹیننٹ جنرل شیر افگن نے کھوئی رٹہ میں ایف آ ر بنوں کے علاقے جانی خیل میں دہشتگردوں کے ساتھ مقابلے میں شہید ہونے والے لیفٹیننٹ خاور شہاب کی قبر پر پھول چڑھائے اور فاتحہ خوانی کی ۔آئی ایس پی آر کے مطابق دونوں کمانڈرزنے غمزدہ خاندان کے ساتھ ہمدردی کا اظہار کیا اور شہید خاور کو دہشگردوں کے خلاف جوانمردی سے لڑنے پر خراج تحسین پیش کیا۔ کور کمانڈر راولپنڈی نےکاکول اکیڈمی میں دوران تربیت شہید کے بلند حوصلے اور بہادری کی تعریف کی۔ خاور شہید کے والد اور دیگر عزیزواقارب نے ملک کی سالمیت اور امن کےلئے اپناحصہ ڈالنے کےلئے غیر متزلزل عزم کا اعادہ کیا۔
فرمان الہی
نماز کے اوقات
