اسلام آباد( نمائندہ خصوصی) قائد حزب اختلاف قومی اسمبلی سید خورشید احمد شاہ نے ایک بیان میں کہا ہے کہ لاہور میں بابر بٹ کا قتل افسوسناک واقعہ ہے اور پنجاب حکومت سے مطالبہ کیا کہ مجرموں کو جلد از جلد گرفتار کیا جائے۔ انہوں نے کہا کہ پنجاب میں یکے بعد دیگرے سیا سی مخالفین کے خلاف کارروائیاں کی جا رہی ہیں اور قاتلوں اور حملہ آوروں کے خلاف کوئی ایکشن بھی نہیں لیا جارہا۔ انہوں نے کہا کہ پیپلز پارٹی کے رہنما شوکت بسرا پر حملہ کرنے والوں کو ابھی تک گرفتار نہیں کیا گیا۔ انہوں نے کہا کہ قاتلوں اور حملہ آوروں کو فوراً پکڑا جائے ورنہ ان حملوں کو سیاسی دہشت گردی سمجھا جائے گا اور سیاسی دہشت گردی سے سوائے سیاسی نقصان کے کچھ حاصل نہیں ہوتا۔ انہوں نے کہا کہ اگر کوئی ہمیں اس طرح کی بزدلانہ وار داتو ں سے ڈرانا چاہتا ہے تو وہ یاد رکھے کہ پیپلز پارٹی نے پھانسی، کوڑوں، جیلوں اور شہادتوں کی راہ سے گزر کر ملک میں جمہوریت قائم کی ہے وہ جمہوریت کو آمرانہ انداز رکھنے والوں کے ہاتھوں پامال نہیں ہونے دے گی۔
فرمان الہی
نماز کے اوقات
