میلبورن(نیوز ڈیسک) سال کے پہلے گرینڈسلام ٹینس ٹورنامنٹ آسٹریلین اوپن کا آغاز (آج) پیر سے میلبورن پارک میں ہو گا، یہ آسٹریلین اوپن کا 104ایونٹ ہے جس میں دنیائے ٹینس کے نامور مردوخواتین کھلاڑی مختلف کیٹگریز کے مقابلوں میں ٹائٹلز کے حصول کے لئے ایکشن میں دکھائی دیں گے ۔عالمی نمبر ایک نوویک جوکووچ مینز اور امریکن سٹار اور عالمی نمبر ایک سرینا ولیمز ویمنز سنگلز ایونٹس میں اپنے اپنے ٹائٹلز کا دفاع کریں گی۔ سیمونی بولیلی اور فابیو فوگنینی پر مشتمل اٹالین جوڑی مینز ڈبلز جبکہ امریکہ کی بیتھانی میٹک سینڈز اور جمہوریہ چیک کی لوسی سفارووا ویمنز ڈبلز ایونٹس میں ٹائٹل کے دفاع کیلئے قسمت آزمائی کریں گی۔ ایونٹ کے ٹاپ سیڈڈ کھلاڑیوں اور ڈراز کا اعلان بھی ہو گیا ہے، جوکووچ مینز اور سرینا ولیمز ٹاپ سیڈڈ کھلاڑی ہیں۔ دفاعی چیمپئن نوویک جوکووچ چھٹے آسٹریلین اوپن ٹائٹل مہم کا آغاز جنوبی کورین پلیئر چنگ کے خلاف کریں گے۔ فیڈرر جارجین اور نڈال ہم وطن پلیئر کے خلاف ایکشن میں نظر آئیں گی۔ ویمنز میں عالمی نمبر ایک اور دفاعی چیمپئن سرینا ولیمز ابتدائی راؤنڈ میں عالمی نمبر35کے مدمقابل ہوں گی میگا ایونٹ میں شریک کھلاڑیوں کے درمیان مینز سنگلز، مینز ڈبلز، ویمنز سنگلز، ویمنز ڈبلز، مکسڈ ڈبلز، بوائز سنگلز، گرلز سنگلز، بوائز ڈبلز، گرلز ڈبلز، لیجنڈز مینز ڈبلز، ویل چیئرمینز سنگلز، ویل چیئرویمنز سنگلز، ویل چیئرکواڈ سنگلز، ویل چیئرمینز ڈبلز، ویل چیئرویمنز ڈبلز اور ویل چیئرکواڈ ڈبلز کے مقابلے ہوں گے۔ واضح رہے کہ ایونٹ 31 جنوری کو اختتام پذیر ہو گا۔
فرمان الہی
نماز کے اوقات
