انڈین ویلز (نیوز ڈیسک) سربیا کے نامور ٹینس سٹار نوویک جوکووچ اور ہسپانوی ٹینس کلے کورٹ کے بادشاہ رافیل نڈال انڈین ویلز ٹینس ٹورنامنٹ کے پری کوارٹر فائنل رائونڈ میں شکست کے بعد ایونٹ سے باہر ہوگئے۔ امریکی شہر انڈین ویلز میں مینز سنگلز مقابلوں کے پری کوارٹر فائنل رائونڈ میں آسٹریلیا کے نک کرگیوس نے عمدہ کھیل پیش کرتے ہوئے ایونٹ کے سیکنڈ سیڈڈ سربیا کے نوویک جوکووچ کو 6-4 اور 7-6، (7-3) سے ہرا کر ایونٹ کے کوارٹر فائنل کیلئے کوالیفائی کرلیا۔ ایک اور میچ میں سوئٹزر لینڈ کے شہرہ آفاق ٹینش سٹار راجر فیڈرر نے انتہائی شاندار کارکردگی کا مظاہرہ کرتے ہوئے رافیل نڈال کو سٹریٹ سیٹس میں 6-2 اور 6-3 سے ہرا کر ایونٹ سے باہر کردیا۔
فرمان الہی
نماز کے اوقات
