کوئٹہ(اسٹاف رپورٹر)ماڈل ٹائون ایکسٹینشن و پشین اسٹاپ کے مکین و تاجر مختلف مسائل سے دوچار، اسٹریٹ لائٹس غیر فعال سڑکیں ٹوٹ پھوٹ کا شکار نکاسی آب کا نظام معطل لوگوں کو آمدورفت میں دشواری کا سامناتفصیلات کے مطابق متعلقہ حکام کی عدم دلچسپی کے باعث ماڈل ٹائون ایکسٹینشن کمرشل ایریا و پشین اسٹاپ میں مسائل کے انبارلگ گئے ہیں علاقےکی اسٹریٹ لائٹس طویل عرصے سے غیر فعال ہیں جبکہ سڑکیں بھی ٹوٹ پھوٹ کا شکار ہیں جابجا گھڑے بنے ہوئے ہیں جسکے باعث حادثات بھی رونما ہورہے ہیں دوسری جانب عدم صفائی کی وجہ سے نالیاں بھی کچروں سے بھر گئی ہیں اور گندا پانی سڑکوں میں بہتا رہتا ہےجس کی وجہ سے لوگوں کو آمدورفت میں شدید دشواری کا سامنا کرنا پڑتا ہے اہل علاقہ نے متعلقہ حکام سے اپیل کی ہے کہ جلد از جلد مذکورہ علاقے کے بنیادی مسائل حل کیئے جائیں-
فرمان الہی
نماز کے اوقات
