سیالکوٹ(نمائندہ جنگ) ٹریفک حادثات میں بچے اور 3 خواتین سمیت 15افراد زخمی ہو گئے۔ سیالکوٹ کے علاقہ روہیل گڑھا چوک کے پاس نامعلوم موٹر سائیکل کی ٹکر سے پیدل سڑک پار کرنے والا17سالہ حنظلہ ،ڈسکہ روڈ دو موٹر سائیکلوں کے تصادم میں45سالہ شاہد،دوبرجی ملہیاں کے پاس چلتی بس میں دوڑتے ہوئے سوار ہونے کی کوشش کرتے ہوئے گر کر45سالہ قبال،مرالہ روڈ مراد پور پولیس اسٹیشن کے پاس دو موٹر سائیکلوں کے تصادم میں32سالہ صداقت مسیح،ائرپورٹ روڈ لوپو والی کے پاس موٹر سائیکل پیدل سڑک پار کرنے والے سے ٹکرانے سے50سالہ الیاس،سید پور روڈ موٹر سائیکل اور چنگ چی کے تصادم میں35سالہ وقاص علی اور22سالہ محمد عمران،شہابپورہ روڈ واپڈا کالونی کے پاس دو موٹر سائیکلوں کے تصادم میں55سالہ غضنفر علی،ائر پورٹ روڈ موٹر سائیکل کو ٹائر پھٹنے کی وجہ سے گر کر26سالہ شمائلہ بی بی ،بھلووالی بڈیانہ روڈ دو موٹر سائیکلوں کے تصادم میں70سالہ محمد شوکت اور59سالہ محمد انور،ڈسکہ روڈ پکی کوٹلی کے پاس موٹر سائیکل اور چنگ چی رکشہ کے تصادم میں50سالہ قرار نقوی،کنگرہ روڈ کنگرہ موڑ کے پاس نامعلوم سواری کی ٹکر سے5سالہ فہد،جموںروڈ نامعلوم موٹر سائیکل کی ٹکر سے پیدل سڑک پار کرنے والا35سالہ عمر،پسرور ریلوے سٹیشن کے پاس موٹر سائیکل سے گر کر17سالہ رمشہ شدید زخمی ہو گئے۔معمولی زخمیوں کو ریسکیورز نے موقع پر ہی طبی امداد دی جبکہ شدیدزخمیوں کو ریسکیوایمبولینس میں طبی امداد دیتے ہوئے مزید علاج معالجے کےلئے ضلع سیالکوٹ کے مختلف ہسپتالوں میں منتقل کر دیا گیا۔
فرمان الہی
نماز کے اوقات
