سانگھڑ.......سندھ کے اضلاع سانگھڑ اوربدین میں بلدیاتی انتخا بات کے پولنگ کا آغاز ہوگیا ہے ،پولیس اور رینجرز کے اہلکار تعینات کردیے گئے ہیں جبکہ پاک فوج کو بھی الرٹ رکھا گیا ہے ،ووٹنگ کا عمل بنا کسی وقفے کے شام ساڑھے 5بجے تک جاری رہیگا ۔
ضلع سانگھڑمیں ایک ڈسٹرکٹ کونسل ،4 میونسپل کمیٹیوں ، 11 ٹاوُن کمیٹیوں اور 73 یونین کونسلوں جبکہ ضلع بدین کی2 ٹاؤن کمیٹیوں، 4 یونین کونسلوں کے 31 وارڈ میں پولنگ کا عمل صبح ساڑھے 7 بجے شروع ہوگا، جو شام ساڑھے 5 بجے تک بغیر کسی وقفے کے جاری رہے گا۔
ادھر بدین ٹائون کمیٹی تلہار کے 3پولنگ اسٹیشنوں پر تاحال پولنگ کا آغاز نہیں ہوسکا ہے،ذرائع کا کہنا ہے کہ پولنگ انتخابی سامان کی تبدیلی کے باعث شروع نہیں ہوئی جبکہ پولنگ اسٹیشن کے باہر لوگوں کی بڑی تعداد جمع ہوگئی ہے۔
مختلف علاقوں کے46 پولنگ اسٹیشنوں میں سے30 انتہائی حساس قرار دیے گئے ہیں، اس کےباوجودتلہار وارڈ 5 کاپولنگ اسٹیشن نمبر 9 نجی شوگر مل کے ایک اسکول میں قائم کردیا گیا۔
فرمان الہی
نماز کے اوقات
