کراچی(اسٹاف رپورٹر)چار سدہ میں ہونے والے واقعے کی بازگشت سات سمندر پار نیوزی لینڈ میں پاکستانی کرکٹرز میں بھی سنائی دی۔بدھ کو جب پاکستانی کھلاڑی پریکٹس سیشن مکمل کرکے ہوٹل پہنچے تو انہیں اس سانحے کی خبر ملی۔پاکستان کھلاڑیوں نے عشاء کی نماز میں شہداء کے لئے خصوصی دعا کی۔کمروں میں آکر کھلاڑی انٹرنیٹ پر اس واقعے کی خبر جاننے کی کوشش کرتے رہے۔ذرائع کا کہنا ہے کہ جمعے کوامکان ہے کہ پاکستانی ٹیم بازئوں پر سیاہ پٹیاں باندھ کر میچ میں شرکت کرے گی۔تاہم پاکستان کرکٹ بورڈ نے اس خبر کی تصدیق کرنے سے انکار کردیا۔کراچی کے نیشنل اسٹیڈیم میں ون ڈے کرکٹ ٹورنامنٹ کے دوران نیشنل بینک اور واپڈا کے کھلاڑیوںض نے شہداء کے لئے مغفرت کی دعا مانگی اور ایک منٹ خاموشی اختیار کی۔
فرمان الہی
نماز کے اوقات
