کراچی (اسٹاف رپورٹر) ایشین ٹینس فیڈریشن انڈر 12 ٹیم ایونٹ کے مقابلوں کیلئے کھلاڑیوں کے اوپن ٹرائلز بدھ 5 اپریل سے دلاور عباس پی ٹی ایف ٹینس کمپلکس میں شروع ہوں گے۔ ایشین ٹینس فیڈریشن نے رواں سال پہلی بار اپنے ڈیولپمنٹ سرکٹ میں 12سال کے کھلاڑیوں کے ٹیم مقابلوں کو اپنے پروگرام کا حصہ بنایا ہے اس میں ایشیا کے43 ممالک کو جغرافیائی لحاظ سے پانچ زون میں تقسیم کیا ہے۔ پاکستان دیگر چھ ممالک کے ساتھ سائوتھ ایشیا زون میں شامل ہے جن میں بنگلہ دیش، بھوٹان، بھارت، مالدیپ، نیپال، پاکستان، سری لنکا شامل ہیں۔ تین رکنی ٹیم میں صرف وہ کھلاڑی حصہ لے سکتے ہیں جو 15 مئی 2017 کو دس سال کے ہوچکے ہوں گے۔
فرمان الہی
نماز کے اوقات
