شیخوپورہ(نمائندہ جنگ) ڈی پی او سرفراز خان ورک نے اپنے آفس میں پریس کانفرنس کے دوران صحافیوں کو بتایا کہ تین ماہ کے شیر خوار عون محمد کو زاہدہ بی بی نے 9 محرم الحرام کو دوران مجلس اس کی والدہ سیدہ غلام زینب کو یہ چکمہ دیکر اٹھا لیا کہ وہ اسے پیار کرنا چاہ رہی ہے اور پھر بڑے ڈرامائی انداز میں وہ وہاں سے غائب ہوگئی ملزمہ کی گرفتاری کیلئے تھانہ شرقپور پولیس نے 6 ماہ کی انتھک کوششوں کے بعد گاؤں ککڑی پور میں چھاپہ مار کر ملزمہ کو گرفتار کرکے بچہ برآمد کرکےبچے کو اس کی والدہ سیدہ غلام زینب کے حوالے کردیا ہے ملزمہ نے تفتیش کے دوران بتایا کہ میرے بطن سے دو جڑواں بچے ایک بیٹی اور بیٹا پیدا ہوئے اسی دوران بیٹا فوت ہوگیا میرا خاوند بیرون ملک مقیم ہے جس کو میں نے جڑواں بچوں کی پیدائش کے متعلق بتایا تھا اور بیٹے کی وفات پر اطلاع نہ دے سکی اور محض شوہر کے خوف سے بچے کو اغوا کرکے اپنے بچے 2 کئے ۔
فرمان الہی
نماز کے اوقات
