کراچی (جنگ نیوز) جمعیت علمائے اسلام (ف) کے سربراہ مولانا فضل الرحمان (ڈمی) اور جماعت اسلامی کے امیر سراج الحق (ڈمی) جمعہ کو ”جیو نیوز“ کے پروگرام ”خبرناک“ میں بطور مہمان شریک ہوں گے۔ پاکستان کی مذہبی اور سیاسی جماعتوں کے دونوں بڑے سربراہان سے ملک کے سیاسی اور معاشی حالات کے علاوہ دیگر اہم موضوعات پر خصوصی گفتگو ہوگی۔ شو کے دوران دونوں مہمان دیسی گھی سے بنے حلوے پر بھی اپنا خصوصی تبصرہ پیش کریں گے۔ پروگرام میں ایک جانب ”بھانڈوں کا خبرنامہ“ دکھایا جائے گا تو دوسری طرف ”مغفرت شاہین کے دُکھڑے“ بھی عوام کے سامنے لائے جائیں گے۔ ”خبرناک“ کا لطف دوبالا کرنے کیلئے دلفریب نغمہ بھی منفرد انداز سے نشر کیا جائے گا ۔ ایک سیگمنٹ کے دوران ”استاد حسرت خان اور کثرت خان کی چیخیں“ بھی پروگرام کی رونق دوبالا کریں گی۔ طنز و مزاح اور حالات حاضرہ پر مشتمل اِس شو میں دلچسپ و عجیب خبروں کے علاوہ ”خبرناک“ کے مزاحیہ فنکاروں کی خوبصورت باتیں بھی عوام کو قہقہے لگانے پر مجبور کردیں گی۔ معروف اینکر نعیم بخاری ”خبرناک“ کے میزبان ہیں۔ دلچسپ شو ناظرین رات 11 بجکر 5 منٹ پر دیکھ سکیں گے۔
فرمان الہی
نماز کے اوقات
