کوئٹہ(نمائندہ جنگ،ایجنسیاں ) تربت میں سیکورٹی فورسز کی گاڑی پر فائرنگ،2 اہلکار زخمی ،اسلام آباد ، لاہور اور پشاور میں سرچ آپریشن، 100سے زائد افراد گرفتار، سوات میں شدت پسند کمانڈرپکڑا گیاملتان میں جعلی ادویات برآمد ہوئیں تفصیلات کے مطابق لاہور میں پنجاب یونیورسٹی نیو کیمپس کے ہوسٹلوں ، سیکریٹریٹ، سیشن کورٹ،منسٹر بلاک اور ملحقہ علاقوں میں سرچ آپریشن کے دوران 19ملزم گرفتار کرلیے گئے۔پشاور کے مختلف علاقوں میں سرچ آپریشن کے دوران 86 افراد کو حراست میں لے لیا گیا ہے۔ زیر حراست افراد سے اسلحہ اور منشیات بھی برآمد ہوئی ہیں۔اسلام آباد شمس کالونی کے علاقے میں سرچ آپریشن کے دوران اسلحہ برآمد کر لیا گیا تاہم سرچ آپریشن کے دوران کوئی گرفتاری نہیں ہوئی۔سوات میں سی ٹی ڈی نے کالج اور پولیس چوکی کو دھماکہ خیز مواد سے اڑانے والے شدت پسند کمانڈرکو9سال بعد گرفتار کرلیا ترجمان کے مطابق ملزم سید محمد 2008میں سنگوٹہ میں ایکسلشیئر کالج اور شانگلہ میں پولیس چوکی یخ تنگی کو بموں سے اڑانے میں مطلوب ہےکوئٹہ تربت میں سیکورٹی فورسز کی گاڑی پر نامعلوم افراد کی فائرنگ سے دو اہلکارحوالداراحمد گل اور سپاہی شفقت اللہ زخمی ہو گئے۔ملتان شاہ رکن عالم کی حدود میں پولیس نے کارروائی کرتے ہوئے 50مشکو ک افراد کا بائیو میٹرک کیا،پولیس نے جرائم پیشہ افراد کی اطلاع پر علاقہ کو گھیرے میں لیکر سرچ آپریشن کیا، اس دوران پولیس نے ایک شخص کو بھاری مقدار میں جعلی زرعی ادویات کی کھیپ سمیت گرفتار کرکے نامعلوم مقام پر منتقل کردیا ۔
فرمان الہی
نماز کے اوقات
