کراچی(اسٹاف رپورٹر) چیف آف نیول اسٹاف ہاکی ٹور نامنٹ میں جمعرات کو پاکستان نیوی اور کسٹمز کے میچ میں تماشائیوں کی تعداد حیران کن طور پر بہت زیادہ تھی۔ ایک ہفتے قبل ختم ہونے والی قومی ہاکی چیمپئن شپ کے فائنل میں اتنی بڑی تعداد میں تماشائیوں نے ہاکی کلب کا رخ نہیں کیا، جس میں ملک کی دو اہم ٹیمیں پاکستان واپڈا اور پی آ ئی اے مدمقابل تھیں۔ جمعرات کے میچ میں اسٹیڈیم کا وی آئی پی انکلوژر مکمل طور پر بھرا ہواتھا، دریں اثناء اس ٹور نامنٹ کے دوران کھلاڑیوں، آ فیشلز اور تماشائیوں کی حفاظت کے لئے سخت سیکیورٹی انتظامات کیے گئے ہیں۔ کھلاڑیوں کے بیگ اور عام تماشائیوں کو مکمل تلاشی کے بعد اسٹیڈیم میں داخل ہونے کی اجازت دی جارہی ہے، اسٹیڈیم کے مختلف انکلوژر کی چھتوں پر بھی سیکیورٹی اہلکاروں کو تعینات کیا گیا ہے۔
فرمان الہی
نماز کے اوقات
