سکھر (بیورو رپورٹ) نوشہروفیروز کے رہائشی سیال برادری کے افراد نے نوجوان کے قاتلوں کی عدم گرفتاری کے خلاف سکھر پریس کلب کے سامنے احتجاجی مظاہرہ کیا۔ مظاہرین نے ہاتھوں میں بینر اور پلے کارڈز اٹھا رکھے تھے جن پر قاتلوں کی عدم گرفتاری اور پولیس کے خلاف نعرے درج تھے۔ مظاہرے کی قیادت اختر علی اور فیاض سیال نے کی۔ مظاہرین نے بتایا کہ چارروز قبل مسلح ملزمان نے گھر میں گھس کر الطاف سیال کو فائرنگ کر کے قتل کردیا تھا جس کی رپورٹ متعلقہ تھانے میں درج کرائی گئی ہے۔ پولیس ملزمان کے خلاف کوئی کارروائی نہیں کررہی اور نہ ہی تاحال ملزمان کو گرفتار کیا گیا ہے ۔ مظاہرین نے ڈی آئی جی شہید بے نظیر آباد اور ایس ایس پی نوشہروفیروز سے مطالبہ کیا کہ قتل میں ملوث ملزمان کو فوری طور پر گرفتار کیا جائے ہمیں تحفظ اور انصاف فراہم کیا جائے۔
فرمان الہی
نماز کے اوقات
