ٹیکسلا (نمائندہ جنگ) چیئرمین پی او ایف بورڈنیشنل مینز اسکواش چیمپئن شپ 2017 میں ایس این جی پی ایل کے احمد فرید نے پاکستان آرمی کے صدام الحق کو 3-1سے شکست دے کر افتتاحی میچ جیت لیا۔قبل ازیں افتتاحی تقریب جہانگیر خان اسکواش کمپلیکس واہ کینٹ میں منعقد ہوئی جس کا افتتاح محمد افضل ممبر پروڈکشن کوارڈینیشن و ممبر پی او ایف بورڈ نے کیا۔اس موقع پر صدر پی او ایف اسپورٹس کنٹرول بورڈ ڈاکٹر عامر مراد اور پی او ایف کے دیگر آفیشلز موجود تھے۔ افتتاحی میچ ایس این جی پی ایل اور آرمی کے مابین کھیلا گیا۔ مینز سنگل کی بنیاد پر کھیلے گئے ٹورنامنٹ میں خیبر پختونخواہ، پاکستان نیوی، پی آئی اے، واپڈا، زرعی ترقیاتی بینک، پاکستان ایئر فورس، پنجاب کے علاوہ دیگر قومی سطح کی ٹیمیں حصہ لے رہی ہیں۔
فرمان الہی
نماز کے اوقات
